Zabur 127 - Hodáay Pákén Ketáb Balochi zobáná

Agan Hodáwand lógá mabandit...

Dém pa Urshalimá borzád rawagay sawté. Solaymánay Zabur.

¹ Agan Hodáwand lógá mabandit, bánbandáni zahmat békár ent. Agan Hodáwand, shahray negahpániá makant, nehgahpánáni negahpáni békár ent.

² Tai, sohbá máhallah pád áyag o shapá tán dérá ágah bayag békár ent. Zahmata kasshay ke tará pa waragá nán berasit, á ke Hodáyá dóst ant, agan wáb bebant ham Hodá é chizzán áyáná dant.

³ Chokk cha Hodáwanday némagá mirás ant o padréch cha hamáiay némagá mozz.

⁴ Warnáiá áwortagén mardénchokk anchosh ant ke jangóléay dastá tir.

⁵ Bahtáwar hamá mard ent ke tirdáni cha chokká porr ent. Wahdé choshén mardomé shahray darwázagá gón dozhmená dém pa déma bit hechbar pashal o sharmendaga nabit.