Zabur 100 - Hodáay Pákén Ketáb Balochi zobáná

Hodáwand nék ent o mehri abadmán

Shogrgozáriay Zaburé.

¹ Oo sajjahén zemin! Pa Hodáwandá shádmániay gwánká bejan.

² Hodáwandá pa shádehi parastesh kanét, gón shádmániay sawtán áiay bárgáhá byáét.

³ Bezánét ke Hodáwand, Hodá ent, hamáiá márá addh kortag o má hamáiayg én, má áiay kawm, áiay charágáhay ramag én.

⁴ Áiay darwázagán gón shogrgozári bepotrét o áiay bárgáhá gón satá o saná. Áiay shográ begerét o áiay námá besárháét,

⁵ ke Hodáwand nék ent o mehri abadmán, áiay wapádári nasláni nasl barjáha mánit.