INPÂKNA HLABU 87 - Pathien Lekhabu Inthieng (BSI)

Ziona chênghai hamṭhatna chu

Kora naupahai Inpâkna Hla. Hla

¹ A lungphûm chu tlâng inthiengahai chun a um a.

² Lalpa chun Zion kul kawtkhârhai chu, Jakobhai umna po po nêkin a ngaina lem a nih.

³ Aw Pathien khawpui, I chungchâng thu ropuitakin an hril hlak a nih.

⁴ A mi hretuhai lai an ṭhang ve ti, Rahab le Babulon chungchâng thu hril ka tih; Philistin le Tura hi, Ethiopia le hin, en ta u; Hi mi hi chutaka pieng chu a nih.

⁵ A nih, “Saw saw le, hi hi mi hi amaa pieng an na, Achunghnungtak ngei chun ama chu sukdet a tih,” ti Zion chungchâng thu chu hril an tih.

⁶ Lalpain mi tin hming a ziek pha chun, “Hi mi hi chutaka pieng chu a nih,” tiin, tiem a tih.

⁷ Hlasaktuhaiin, lâmhai le chun, “Ka tuihnâr po po chu nangmaah a nih a um chu,” tîng an tih.