INPÂKNA HLABU 70 - Pathien Lekhabu Inthieng (BSI)

Sansuokna dinga ṭawngṭâina

Hla ṭhuoitu ta dingin: David Inpâkna Hla; inhrietsuoktir nâwkna dingin.

¹ Aw Pathien, kei mi sanhim dingin inhmaw la, Aw Lalpa, mi ṭhangpui dingin inhmaw rawh.

² Ka hringna sukbo tuma zawngtuhai chu, Muolphotak le inzaktakin um sienla, Ka sietna chunga lâwmhai chu: Intlânsiettira sukzakin um raw se.

³ “Chei! Chei!” tituhai chu, An muolpho leiin intlânsiettirin um raw hai se.

⁴ A zawngtu che po pohai chu nangmaa chun hlimtak le lâwmtakin um sienla, I sandamna ngainatuhai chun, “Pathien chu chawimawiin um raw se,” ti rawp raw hai se.

⁵ Nisienlakhawm, kei chu pasie le rimsitak ka na, Aw Pathien, ka kuomah hung vak rawh: Nang chu a mi ṭhangpuitu le a mi sandamtu i na, Aw Lalpa, sawt riel lul naw raw khai.