INPÂKNA HLABU 23 - Pathien Lekhabu Inthieng (BSI)

Lalpa chu ka ta dingin Berâmpu a nih

David Inpâkna Hla,

¹ Lalpa chu ka Berâmpu a nih, tlasam naw ningah.

² Ama chun hlohna hring dup hmunah a mîn bawktir hlak a, Châwlna tui pangahai a mi ṭhuoi hlak.

³ Ka hringna hi a mi siemtharpêk nâwk hlak a, Ama hming leiin felna lampuiahai a mi ṭhuoi hlak.

⁴ Anih, thina hlim varuom hraw lang khawm, Thil ṭha naw hrim hrim ṭi naw ningah, nang ka kuomah i um si a: I hembâwk le i hmawlin a mi thlamuon hlak a nih.

⁵ A mi dotuhai mithmuah ka hmaa hin dawkân i buotsai hlak a, Ka lu hi hriek i nâl ta a, ka noa hin a liem zing a.

⁶ Matheilovin ṭhatna le ngilneinain ka dam sûng po po hin mi zui pei a ta: Chuongchun, Lalpa inah kumkhuoin um zing ka tih.