INPÂKNA HLABU 20 - Pathien Lekhabu Inthieng (BSI)

Hnêna dinga ṭawngṭâina

Hla ṭhuoitu ta dingin: David Inpâkna Hla.

¹ Lunginzing ni chun Lalpain dawn raw se che, Jakob Pathien hming chun hmun insângah dawm kai raw se che;

² Hmun inthienga inthawk chun ṭhangpuina tirpêk sienla che, Ziona inthawk chun sukhrât raw se che.

³ I thilinhlân po po chu hre zing sienla, I pumrawhmang thilinhlân chu lâwm raw se.

⁴ I lungril dit zâwng chu pe phal sienla che, I remruot po po chu inhlawtlingtir raw se che.

⁵ I sandamnaa chun hlimin hla sak ka ta, Ei Pathien hmingin ei puonzârhai hi la zâr ei tih: Lalpa chun i hnina po po inhlawtlingtir raw se che.

⁶ Lalpain a hrieknâl hi a sandam ti tuhin ka hriet ta a, A kut changtieng sandamna thain, A vân inthienga inthawk khin ama la dawn a tih.

⁷ Ṭhenkhatin tawlailîrhai an ring a, ṭhenkhatin sakawrhai an ring a, Keini ruok chun Lalpa kan Pathien hming chu lam lem kan tih.

⁸ Anni chu an kûn a, an tlu ta a, Keini ruok chu kan tho a, kan ngîr tlûn ta lem a,

⁹ Lalpa, sandam rawh, Kan ko pha chun Laltak chun mi dawn raw se.