INPÂKNA HLABU 136 - Pathien Lekhabu Inthieng (BSI)

Lalpa hmangaina tâwp nei lo leia inpâkna

¹ Aw Lalpa kuomah lâwmthu hril ro, ama chu a ṭha si a, A ngilneina khawm kumkhawtluongin a um ding a ni si a.

² Aw, pathienhai Pathien kuoma chun lâwmthu hril ro, A ngilneina chu kumkhawtluongin a um ding a ni si a.

³ Aw, lalpahai Lalpa kuoma chun lâwmthu hril ro, A ngilneina chu kumkhawtluongin a um ding a ni si a.

⁴ Ama khâta thilmak ropuitak thaw hlaktu kuoma chun: A ngilneina chu kumkhawtluongin a um ding a ni si a.

⁵ Varnaa vân siemtu kuoma chun: A ngilneina chu kumkhawtluongin a um ding a ni si a.

⁶ Hnuoi hi tui chunga sie duoitu kuoma chun: A ngilneina chu kumkhawtluongin a um ding a ni si a.

⁷ Var ropuitakhai siemtu kuomah: A ngilneina chu kumkhawtluongin a um ding a ni si a.

⁸ Nisa, sûna rorêltu dinga: A ngilneina chu kumkhawtluongin a um ding a ni si a.

⁹ Thla le arasihai zâna rorêltu dinga siemtu kuoma chun: A ngilneina chu kumkhawtluongin a um ding a ni si a.

¹⁰ Aiguptahai nau lutîr sukhlumpêk a: A ngilneina chu kumkhawtluongin a um ding a ni si a.

¹¹ Israelhai anni laia inthawka ṭhuoi suoktu kuoma chun: A ngilneina chu kumkhawtluongin a um ding a ni si a.

¹² Kut thahrât le bân phara: A ngilneina chu kumkhawtluongin a um ding a ni si a.

¹³ Tuipui Sen sukṭhetu kuoma chun: A ngilneina chu kumkhawtluongin a um ding a ni si a.

¹⁴ Israelhai a laitaka inkaitirtu: A ngilneina chu kumkhawtluongin a um ding a ni si a.

¹⁵ Pharao le a sipaihai ruok chu Tuipui Sena sukbohmangtu kuoma chun: A ngilneina chu kumkhawtluongin a um ding a ni si a.

¹⁶ A mihai thlalêra ṭhuoitu kuoma chun: A ngilneina chu kumkhawtluongin a um ding a ni si a.

¹⁷ Lal ropuitakhai sukhlumtu kuomah: A ngilneina chu kumkhawtluongin a um ding a ni si a.

¹⁸ Lal hmingthangtak takhai sukhlumtu: A ngilneina chu kumkhawtluongin a um ding a ni si a.

¹⁹ Amorhai lal Sihon le, A ngilneina chu kumkhawtluongin a um ding a ni si a.

²⁰ Basan ram lal Og thattu: A ngilneina chu kumkhawtluongin a um ding a ni si a.

²¹ An ram rochana petu: A ngilneina chu kumkhawtluongin a um ding a ni si a.

²² A siehlaw Israel rochana petu kuoma chun, A ngilneina chu kumkhawtluongin a um ding a ni si a.

²³ Ama ei hnam tlâwm laia mi hre zingtu: A ngilneina chu kumkhawtluongin a um ding a ni si a.

²⁴ A mi dotuhaia inthawkin a mi sanhim a: A ngilneina chu kumkhawtluongin a um ding a ni si a.

²⁵ Ama chun tisa po po kuoma chun fâk ding a pêk hlak a: A ngilneina chu kumkhawtluongin a um ding a ni si a.

²⁶ Aw, vân Pathien kuoma chun lâwmthu hril ro: A ngilneina chu kumkhawtluongin a um ding a ni si a.