INPÂKNA HLABU 130 - Pathien Lekhabu Inthieng (BSI)

Lalpa intlansuoknaa beiseina

Kai hla.

¹ Aw Lalpa, tui inthûktakainthawk hin ka ko che hi.

² Lalpa, ka râwl hi lo ngai la, Lunginsiet ka hnina râwl hi, I nain lo ngai raw se.

³ Lalpa, nangin rîtlonahai în chik chun, Aw Lalpa, tu am ngîr an ti leh?

⁴ Nisienlakhawm, i kuomah ngaidamna a um a nih, Ṭiha i um theina dingin.

⁵ Lalpa chu ka nghâk zing a, ka hringna hin a nghâk zing a, A thu khawm ka beisei a nih.

⁶ Vêngtuhaiin khawvar an thlîr nêka nasain, Anih, vêngtuhaiin khawvar an thlîr nêka nasa hmanin, Ka hringna hin Lalpa chu a thlîr zing hlak a nih.

⁷ Aw Israelhai, Lalpa chu beisei ro; Lalpa kuoma chun ngilneina a um si a, A kuomah intlanna tamtak a um bawk a.

⁸ Chuongchun, ama chun Israelhai chu, An rîtlona po poa inthawkin sansuok a tih.