INPÂKNA HLABU 122 - Pathien Lekhabu Inthieng (BSI)

Jerusalem thlamuongna ding ngênna

Kai Hla. David ta.

¹ “Lalpa inah fêng ei tiu,” Ka kuoma an ti lai khan ka lâwm a.

² Aw Jerusalem, i kul kawtkhâr sûngah, Kan kehai chu a ngîr ta hi.

³ Jerusalem, khawpui indin thar, Detindo taka rem chu.

⁴ Lalpa hming inpâk dingin, Chutaka chun hnamhai chu an hang fe hlak, Lalpa hnamhai chu, Israelhai kuoma thuinhriettirna dingin.

⁵ Chutaka chun rorêlna dingin ṭhungphahai daw a ni si a, David sûnghai lalṭhungphahai chu.

⁶ Jerusalem thlamuongna ding hnipêk ro, Nangma ngainatuhai chu thawveng an tih.

⁷ I kul sûnga chun thlamuongna um sienla, I lal inhaia chun thawvengna um raw se.

⁸ Ka unauhai le ka ruolhai leiin, “I sûngah thlamuongna um raw se,” tîng ka tih.

⁹ Lalpa ei Pathien in lei chun, I ṭhatna ding zawng ka tih.