INPÂKNA HLABU 120 - Pathien Lekhabu Inthieng (BSI)

Hlêmnaa inthawka sanhimna dinga ngênna

Kai Hla.

¹ Ka lunginzîng ni chun Lalpa chu ka ko a, Chuongchun, ama chun a mi hung dawn a.

² Aw Lalpa, hmûr khêlhliphai le, lei mi hlêm hmanghaia inthawk chun, Ka hringna hi sanhim rawh.

³ Nang lei mi hlêm hmang, I kuomah ieng am pêng an ti che a, ieng am belsâng an ti che a?

⁴ Mi hrât thal inzumtakhai, Juniper thing inlinghai leh,

⁵ Meshekhai rama ka châm le, Kedarhai puon ina ka um hi, ka chung a va rik de!

⁶ Ka hringna hin inremna theidatu kuomah, Sâwttak umna a nei ta a.

⁷ Kei chu inrem ka nuom a, Nisienlakhawm, thu ka hril phingleh indo an nuom hlak.