INPÂKNA HLABU 100 - Pathien Lekhabu Inthieng (BSI)

Lâwmthuhril inhlânna siem dinga infuina

Lâwmthu hrila inpâkna Hla.

¹ Ram po pohai, Lalpa chawimawiin hlimtakin khêk ro;

² Lâwm pumin Lalpa rawng bâwl unla, Hlasak pumin a hmaah hung ro.

³ Lalpa chu Pathien a nih ti hre unla, A mi siemtu chu ama chu a na, ama ta ei nih; A mihai le a ran tlatna hmuna berâmhai chu ei nih.

⁴ Lâwmthu hril pumin a kawtkhâra chun lût unla, Inpâk pumin a biekin inhuonna sûng tuollaia chun lût ro; A kuomah lâwmthu hril unla, a hming chu inpâk ro.

⁵ Lalpa chu a ṭha si a, a zainêmna chu kumkhawtluongin um a ta, A ringumzie chu suon po po chenin um a tih.