NAMBAR 33 - Pathien Lekhabu Inthieng (BSI)

Israel inzinna lampui indawt peiin

¹ Mosie le Aron keihruoia Aigupta rama inthawka a pâwl pâwla an suok a, an fe pei dân chu hieng ang hin a nih.

² LALPA thupêka an fe suok a, an fe peinahai chu Mosie chun a ziek a; an fe suok a, an fenahai chu hienga- hai hin a nih:

³ Thla khatna, ni sâwmpanga ni chun Ramesesa inthawkin an suok a; Fekân ruoi ṭhe zo tûk chun Aigupta mihai mithmuah,

⁴ an nau lutir po po LALPAIN a sukhlumpêk an phûm laiin Israel thlahai chu muktakin an suok a; LALPAIN an pathienhai khawm a hrem a.

⁵ Chuongchun, Israel thlahai khawm chu Ramesesa inthawk chun an suok a, Sukkothah umhmun an khuor a.

⁶ Sukkotha inthawkin an suok a, thlalêr tawntira Ethama chun um- hmun an khuor a.

⁷ Ethama inthawk chun an suok a, Baal-Jephan bula Pi-hahiroth tieng an intawl kîr nawk a. Migdol bula chun umhmun an khuor a.

⁸ Pi-hahiroth bula inthawk chu an suok a, tuisuoriet an fe thleng a, thlalêrah an lût a, chun, Etham thla- lêrah ni thum lam an feh a, Maraah umhmun an khuor a.

⁹ Maraa inthawk chun an suok a, Elim an tlung a; Elima chun tuihnâr sâwmpahni le intûm kûng sâwmsari a um a; chutaka chun umhmun an khuor a.

¹⁰ Elima inthawk chun an suok a, tuisuoriet Senah umhmun an khuor a.

¹¹ Tuisuoriet Sena inthawk chun an suok a, Sin thlalêra chun umhmun an khuor a.

¹² Sin thlalêra inthawk chun an suok a, Dophkaah umhmun an khuor a.

¹³ Chun, Dophkaa inthawk chun an suok a, Alusa chun umhmun an khuor a.

¹⁴ Alusa inthawk chun an suok a, Rephidimah umhmun an khuor a, chutaka chun mipuihai dâwn ding tui a um nawh a.

¹⁵ Rephidima inthawk chun an suok a, Sinai thlalêrah umhmun an khuor a.

¹⁶ Sinai thlahêra inthawk chun an suok a, Kibroth-hattavaah umhmun an khuor a.

¹⁷ Kibroth-hattavaa inthawk chun an suok a, Hazerothah umhmun an khuor a.

¹⁸ Hazerotha inthawk chun an suok a, Rithmaa chun umhmun an khuor a.

¹⁹ Rithmaa inthawk chun an suok a, Rimmon-pereza chun umhmun an khuor a.

²⁰ Rimmon-pereza inthawk chun an suok a, Libnaah umhmun an khuor a.

²¹ Libnaa inthawk chun an suok a, Rissaah umhmun an khuor a.

²² Rissaa inthawk chun an suok a, Kehelathaah umhmun an khuor a.

²³ Kehelathaa inthawk chun an suok a, Sepher tlângah umhmun an khuor a.

²⁴ Chun, Sepher tlânga inthawk chun an suok a, Haradaah umhmun an khuor a.

²⁵ Haradaa inthawk chun an suok a, Makhelothah umhmun an khuor a.

²⁶ Makhelotha inthawk chun an suok a, Tahatha chun umhmun an khuor a.

²⁷ Tahatha inthawk chun an suok a, Teraa chun umhmun an khuor a.

²⁸ Teraa inthawk chun an suok a, Mithkaah umhmun an khuor a.

²⁹ Mithkaah inthawk chun an suok a, Hasmonaa chun umhmun an khuor a.

³⁰ Hasmonaa inthawk chun an suok a, Moserothah umhmun an khuor a.

³¹ Moserotha inthawk chun an suok a, Bene-jaakanah umhmun an khuor a.

³² Bene-jaakana inthawkin an suok a, Hor-hagidgadah umhmun an khuor a.

³³ Hor-hagidgada inthawk chun an suok a, Jotbathaah umhmun an khuor a.

³⁴ Jotbathaa inthawk chun an suok a, Abronaah umhmun an khuor a.

³⁵ Abronaa inthawk chun an suok a, Ezion-geberah umhmun an khuor a.

³⁶ Ezion-gebera inthawk chun an suok a, Zin thlalêrah umhmun an khuor a, chu chu Kades an ti bawk.

³⁷ Kadesa inthawk chun an suok a, Edom ram dep Hor tlângah umhmun an khuor a.

³⁸ Thiempu Aron chun LALPA thupêkin Hor tlânga chun a hang feh a, Israel thlahai Aigupta rama inthawka an hung suok kum sâwmli kum thla ngana, ni khat niin chutaka chun a thih a.

³⁹ Chuongchun, Aron chu Hor tlânga a thi chun kum zâ sâwmhni pathum a nih.

⁴⁰ Kanaan mi Kanaan rama sima um Arad lal chun Israel thlahai hung chu a lo hriet a.

⁴¹ Hor tlânga inthawk chun an suok a, Zalmonaah umhmun an khuor a.

⁴² Zalmonaa inthawk chun an suok a, Punonah umhmun an khuor a.

⁴³ Punona inthawk chun an suok a, Obothah umhmun an khuor a.

⁴⁴ Obotha inthawk chun an suok a, Moab ram dep Ije-abarimah um- hmun an khuor a.

⁴⁵ Ijima inthawk chun an suok a, Dibon-gadah umhmun an khuor a.

⁴⁶ Dibon-gada inthawk chun an suok a, Almon-diblathaimah um- hmun an khuor a.

⁴⁷ Almon-diblathaima inthawk chun an suok a. Nebo bula Abarim tlângahai chun umhmun an khuor a.

⁴⁸ Abarim tlânghaia inthawk chun an suok a, Jeriko zâwn Jordan vapang, Moab phaiah umhmun an khuor a.

⁴⁹ Jordan vapang, Bethjesimotha inthawk a Abel-sittim chenin Moab phaiah umhmun an khuor a.

Kanaan ramrihai le an ram insemna

⁵⁰ Chun, Jeriko zâwn Jordan vapang Moab phaia chun LALPAIN Mosie a biek a,

⁵¹ “Israel thlahai chu hril la, an kuomah ‘Jordan vadung in kai a,

⁵² Kanaan ram in lût pha chun, chu rama um po pohai chu hnawt suok vawng in ta, an lung milimhai po po chu sukse vawng in ta, an milim sunghai khawm sukse vawng in ta, an bâwlhmunhai khawm in ṭhiek vawng ding a nih;

⁵³ chun, ram chu hluong in ta, chutaka chun um in tih; in hluo dingin ram chu ka pêk ta cheu a nih.

⁵⁴ A hnam tam dân ang peiin aisânin ram chu hluong in ta, a hnam tam deuhai chu ram lien deu pêng in ta, a hnam tam naw deuhai chu ram chîn deu pêng in tih; aisâna a tlûkna taphawt chu an chanpuol nîng a ta; an pi le pu- hai chi fe dân ang peiin in hluo ding a nih.

⁵⁵ Amiruokchu, chu rama umhai chu in hnawt suok naw chun in inumtirhai chu in mit ta dinga suntu le in pang ta dinga hling ang nîng an tih.

⁵⁶ In umna rama chun suklung- zîng an ti cheu. Chun, an chunga thaw ka lungril ang chu in chungah thâwng ka tih,’ ti rawh,” tiin.