NAMBAR 28 - Pathien Lekhabu Inthieng (BSI)

Ni tina thilinhlânhai

¹ LALPA chun Mosie a biek a,

² “Israel thlahai chu thu pe la, an kuomah, ‘Ka bu ka ta dinga riminhnik meia thilinhlân, ka kuoma thilinhlân chu a hun tak peiah in inhlân ding a nih,’ ti la.

³ Chun, an kuomah hril rawh: ‘Hi hi meia thilinhlân LALPA kuoma in inhlân ding chu a nih: berâmte a chal kum khat mi demkailo ni tin pahni, pumrawhmang thilinhlân inhlân hrim dingin.

⁴ Berâmte pakhat chu zîngkâr inhlân in ta, pakhat chu zântieng inhlân in tih;

⁵ beiphit thilinhlâna dingin bei- phit indi mi epha hmun sâwma ṭhea hmun khat chawkpawl leh.

⁶ LALPA ta dinga meia thilinhlân riminhnika dingin Sinai tlânga ruot pumrawhmang thilinhlân hrim kha a nih.

⁷ Chun, Berâmte pakhat inhlân- naa dâwnmi thilinhlân chu, hin hmun lia ṭhea hmun khat a ni ding a nih; LALPA ta dinga uoin, dâwn ding thilinhlân chu hmun inthiengah i bun suok ding a nih.

⁸ Chun, berâmte pakhat chu zân- tieng în hlân ding a nih; Zântienga beiphit thilinhlân ang le chutaka dâwnmi thilinhlân ang bawk chu LALPA ta dinga riminhnika dinga meia thilinhlân chu în hlân ding a nih.

Sabbath le thla tina thilinhlânhai

⁹ “Chun, châwlniin berâmte, a chal kum khat mi, demkailo pahni le bei- phit thilinhlâna dingin beiphit indi mi epha hmun sâwma ṭhea hmun hni hrieka chawkpawl le chutaka dâwn- mi thilinhlân leh în hlân ding a nih;

¹⁰ hi hi châwlni poa pumraw- hmang thilinhlân inhlân zing le chu- taka dâwnmi thilinhlân bâka pum- rawhmang thilinhlân inhlân ding chu a nih.

¹¹ In thla thar taphawtah LALPA ta ding pumrawhmang thilinhlân inhlân ding a nih; bâwngchal tuoi pahni le berâmchal pakhat kum khat mi demkailo pasari;

¹² chun, bâwngchal tina chun beiphit thilinhlân dingin beiphit indi mi hrieka chawkpawl epha hmun sâwma ṭhea hmun thum; chun, berâm pakhatah beiphit thilinhlânah beiphit indi mi, hrieka chawkpawl hmun sâwma ṭhea hmun hni;

¹³ chun, berâmte tinah beiphit thilinhlâna dingin beiphit indi mi hrieka chawkpawl hmun sâwma ṭhea hmun khat; hi hi pumrawhmang thilinhlân riminhnik LALPA ta dinga meia thilinhlân a nih.

¹⁴ Chun, an dâwnmi thilinhlân chu bâwngchal pakhatah uoin hin chenve nîng a tih; berâmchal pakhat- ah hin hmun thuma ṭhea hmun khat, berâmte pakhatah hin hmun lia ṭhea hmun khat; hi hi kum tluona thla tina pumrawhmang thilinhlân chu a nih.

¹⁵ Chun, LALPA kuomah suol thawina dingin kêlchal pakhat in- hlân ding a nih; pumrawhmang thilinhlâna inhlân hrim le chutaka dâwnmi thil inhlân bâkah.

Ruoiṭhe ruotbîkhaia Thilinhlânhai

¹⁶ “Chun, thla khatna ni sâwmpali ni chu LALPA Fekân ruoiṭhe ni a na.

¹⁷ Chu thla ni sâwmpanga ni chu ruoiṭhe ni nîng a ta; ni sari sûng chu chawlṭhanglo bei fâk ding nîng a tih.

¹⁸ Ni khat ni chun inkhâwmpui inthieng um a ta, ieng sin khawm in thaw ding a ni nawh a;

¹⁹ meia thilinhlân pumrawhmang thilinhlân ruok chu LALPA kuomah in inhlân ding a nih; bâwngchal tuoi pahni le berâmchal pakhat le berâmte a chal kum khat mi pasari, demkailo a ni ngei ding a nih;

²⁰ beiphit indi mi hrieka chawk- pawl, an beiphit thilinhlân leh; bâwngchal pakhatah epha hmun sâwma ṭhea hmun thum, berâmchal pakhatah hmun sâwma ṭhea hmun hni;

²¹ berâmte pasaria chun hmun sâwma ṭhea hmun khat seng a ni ding a nih;

²² chun, in ta dinga inremna siemna dingin suol thâwina dingin kêlchal pakhat.

²³ Hienghi zîngkâra pumraw- hmang thilinhlân, pumrawhmang thilinhlân hrim bâkah in inhlân ding a nih.

²⁴ Hienghin LALPA ta dinga riminhnik meia thilinhlân fâk ding ni tin, ni sari sûng inhlân ding a nih; pumrawhmang thilinhlân inhlân zing le chutaka dâwnmi thilinhlân bâkah.

²⁵ A ni sari ni chun inkhawmpui inthieng nei in ta, ieng sin khawm in thaw ding a ni nawh.

²⁶ “In Châwlni kâr ruoiṭhe, in bu thar tîr ruoiṭhe LALPA ta dinga thil thar beiphit thilinhlân inhlân ni khawma inkhawmpui inthieng nei in ta; ieng sin khawm in thaw ding a ni nawh a;

²⁷ LALPA ta dinga riminhnik inhlân ruok chu in inhlân ding a nih; bâwngchal tuoi pahni, berâmchal pakhat, berâmte a chal kum khat mi pasari;

²⁸ an beiphit thilinhlân, beiphit indi mi hrieka chawkpawl, bâwng- chal pakhatah epha hmun sâwma ṭhea hmun thum, berâmchal pakhat- ah hmun sâwma ṭhea hmun hni,

²⁹ berâmte pasaria chun hmun sâwma ṭhea hmun khat seng;

³⁰ in ta dinga inremna siemna dingin kêlchal pakhat leh.

³¹ (Demkailo an ni ngei ding a nih). Pumrawhmang thilinhlân le dâwn ding thilinhlân zing le chutaka beiphit thilinhlân le dâwnmi thilin- hlân bâkah inhlân ding a nih.