ISAI 20 - Pathien Lekhabu Inthieng (BSI)

Assuriain Aigupta le Ethiopia hung hnêng a tih

¹ Assuria lal Sargon tirin Tartan chu Asdod khuoah a hung a, Asdod khuo chu a thawh a, a lâk kum khan;

² chu lai chun LALPAIN Amoz naupa Isai bauin, “Fe la, i kâwnga saiip puon kha hlîp la, i kea kekawk kha sie rawh,” tiin a hril a. Chuong- chun, chuong ang chun a thawh a, saruok le kekawk bun loin a fe a fe tah a.

³ Chun, LALPA chun, “Ka siehlaw Isai hi Aigupta mihai chunga le Ethiopia mihai chunga thilmak le inchiknaa dingin kum thum sûnga saruok le kekawk bun loa a fe ang hin,

⁴ Assuria lal chun Aiguptahai manhai le Ethiopiahai salhai chu, a nuhmei a pasalin, saruok le kekawk bun lo le mawng inlangin Aiguptahai muolphona dingin ṭhuoi hmang a tih.

⁵ Chuongchun, an beisei tak Ethiopia le an ropuina tak Aigupta mihai lei chun lunginzîngtak le muolphotakin um tâng an tih.

⁶ Chuongchun, chu nia chun hi tuisuoriet panga mi hin, ‘Ngai ta, ka beiseitak, Assuria lala inthawka mi sanhim dinga mi ṭhangpuitu dinga ei tlânna chu, hieng hi a ni ta sih a, eini hi iengtin am tlân suok ei ta?’ la tîng an tih,” a ta.