INPÂKNA HLABU 54 - Pathien Lekhabu Inthieng (BSI)

Hmêlmaa inthawka vênghim dinga ṭawngṭâina Hla ṭhuoitu ta dingin, ṭingṭang chi tum tuma sak mi. David Maskil. Ziphhaiin Saula kuomah, “David kan kuomah ân bi- hmang naw am a nih?” an hung ti laia mi:

¹ Aw Pathien, i hmingin mi sandam la, I hrâtnain ro mi rêlpêk rawh.

² Aw Pathien, ka ṭawngṭâina hi ngai la, Ka baua thu suokhaia hin na lo sit rawh.

³ Mi chapohai chun an mi thaw ta sih a, Mi nunrâwnghaiin ka hringna hi sukbo tumin an zawng bawk a; Pathien chu an hmaah an sie nawh.

⁴ Ngai ta, Pathien chu a mi ṭhangpuitu a nih; LALPA chu ka hringna cheltuhai laia mi a nih.

⁵ Ama chun suolna chu ka hmêlmahai chungah thung a ta; Nangin i thutakna lei chun anni chu sukbohmang rawh.

⁶ Mâni nuomthua thilinhlânin i kuomah inthâwi ka tih: Aw LALPA, i hming chu inpâk ka tih, a ṭha si a.

⁷ Ka lunginzîngna po poa chun i mi sansuok ta sih a; A mi dotuhai chunga ka duthusam chen chu ka mitin a hmu tah a nih.