INPÂKNA HLABU 53 - Pathien Lekhabu Inthieng (BSI)

Mihriem indik nawna le rîtlona

Hla ṭhuoitu ta dingin: Mahalath-a sak ding. David Maskil

¹ Mi invêt chun a lungrilin, ““Pathien hrim a um nawh,” a ti hlak a; Tukhawm thil ṭha thaw hrim an um nawh. An se zo a, thil suol tirdakum- tak an thawh a;

² Hrethiema Pathien zawng hrim hrim an um am? ti hmu dingin, Pathienin vâna inthawkin mi- hriem nauhai hi a zuk en a.

³ An kîr nâwk ta seng a, pawrchetakin an lo um ta vawng a; Tukhawm thil ṭha thaw hrim an um nawh, pakhat bêk khawm an um dêr nawh.

⁴ Thilsuol thawtuhai chun hriet hrim hrim an nei naw am a nih? Bei an fâk angin ka mihai an fâk zo vawng hlak a, Pathien hlak an ko ngai bawk nawh.

⁵ Ṭitna hrim hrim um nawnaa chun ṭi êm êmin an um a. Pathienin thaw tuma eptu che ruhai chu a sukdar ta sih a; Pathienin anni chu a pei thlâk leiin i sukmuolpho tah a.

⁶ Israelhai sandamna chu Ziona inthawkin suok sienla chu aw! Pathien chun a mihai sala an um chu a ṭhuoi kîr nâwk pha chun, Chu pha chun Jakobrawi hlim tâng an ta, Israelrawi lâwm tâng an tih.