INPÂKNA HLABU 52 - Pathien Lekhabu Inthieng (BSI)

Rîtlona suong a hlâwk nawzie Hla ṭhuoitu ta dingin. David Maskil: Edom mi Doeg chun Saula kuomah, “David chu Abimelek inah a fe,” tia a hung hril laia mi.

¹ Aw mi hrât, iengdinga thil suksuol i sawng am a na? Pathien zaidamna chu a um zing hlak a nih.

² Thil suol tak thaw i suongtuo hlak a, I lei chu rêpvâw chem ngeitak ang a na, Khêlhlip a sâksuok hlak.

³ Ṭhat nêkin suol i ngaina lem a, Thu indiktak hril nêkin khêlthu hril i ngaina lem bawk a.

⁴ Aw, nang lei mi hlêmnghal, Thu mi lem zo thei po po chu i ngaina hlak.

⁵ Pathien chun kumkhawtluonga dingin sukse vêng a ti che, Man a ti cheh a, i umnaa inthawkin kei dawk a ti cheh a, Mi hring rama inthawk hin kei suok dai a ti che.

⁶ Mi felhai khawmin an hmu chun ṭîng an ta, Nuisan an tih.

⁷ “En ta u, hi mi hi a nih, Pathien a kulbînga siem nuom lo a, A hausakna nasatak ring lem a, A suolnaa insukhrât vei chu,” tiin.

⁸ Kei ruok chu chu Pathien ina oliv thing inder hlut hlut ang ka na, Pathien zainêmna chu kum- khawtluongin ring ka tih.

⁹ Chu chu i thaw leiin kumkhuoin lâwmthu hril ka ti cheh a, I mi inthienghai mithmua chun i hming chu nghâk zing ka tih, a ṭha sih a.