INPÂKNA HLABU 4 - Pathien Lekhabu Inthieng (BSI)

Pathiena innghat mi zân ṭawngṭâina Hla ṭhuoitu ta ding: ṭingṭang chi hran hrana sak mi. David Inpâkna Hla.

¹ Aw ka felna Pathien, ka ko pha che chun mi hung dawn la, Ka lunginzîng chun nangin i mi sukthawveng hlak a: Mi lunginsiet la, ka ṭawngṭâina hi mi ngaipêk la.

² Aw mihriem nauhai, ka ropuina hi ieng chen am muolphonaah in inchan ding a na? Iengchen am thil teplo hi ngainâng in ta, khêlthu hi in zawng ding?

³ LALPA chun Pathien ngaisak mi chu ama ta dingin a sie tum ti hi hre lem ro: LALPA chun ka ko po leh ngai a tih.

⁴ Ṭi unla, thil suksuol naw ro; In khumlaizâwla chun in lungrilah inngaituo unla, to ṭhiep ro.

⁵ Felna inthâwinahai chu inhlân unla, LALPAA chun ringna innghat ro.

⁶ “Ṭhatna hrim hrim tuin am min hmutir a ti leh?” tituhai chu tamtak an um. LALPA nang ngeiin i hmêl var khan mi hang ên rawh.

⁷ Ka lungrila chun lâwmna i sie tah a, An bu le an uoin hung hlâwk chânga lâwmna an nei nêka nasa lem chu.

⁸ Lungmuongtakin zâl ka ta, in ka tih: LALPA nang ngei hi i nih, makhât chau khawma him- taka mîn umtir hlaktu chu.