3 JOHAN 1 - Pathien Lekhabu Inthieng (BSI)

Chibai bûkna

¹ Upa chun: Dittak Gaia, titakzeta ka ihmangai kuoma chun,

² Dittak, i thlarau chun malsâwm- na a hmu angin, iengkima malsâwm- na i hmu le i dam theina dingin ka ṭawngṭai hlak a nih.

³ Unauhai hungin, i takzie, (thu- taka i um hlakzie) an mi hung inhriettir lai khan, ka lâwm bêk bêk sih a.

⁴ Ka nauhai thutakah an um ti ka hriet nêka lâwmna nasa lem hrim ka nei nawh.

Gaia ṭhatna

⁵ Dittak, unauhai mikhuol ni sien- lakhawm, an chunga i thaw ta- phawtah ringumtakin i thaw hlak a;

⁶ chuongchun, kohranhai hmaah i hmangaina an inhriettir tah; anni an inzinnaah Pathien mi ni âwm hrima i ṭhangpui chun ṭhâng a tih;

⁷ a Hming lei chun Jentailhai kuoma inthawkin iengkhawm la loin an suok sih a.

⁸ Chuongchun, thutak thawpuitu- hai ei ni theina dingin chuong ang mi chu eini chun ei lâwm ding a nih.

Diotrepha kalna

⁹ Kohranhai kuoma khan thu tlâwmtê chu ka ziek tah; nisienla- khawm, Diotrepha, anni laia chung- hnung nuom hlak khan, a mi lâwm si nawh.

¹⁰ Chuleiin, ka hung chun chu a thilthawhai inhriet suoktir nâwk ka tih, kan chungthu suol hrilin a bautamzie hi; chu khawm chu hun a ti nawh a, ama ngeiin unauhai a lâwm nawh a, a lâwm nuomhai khawm a khap a, kohrana inthawkin a hnawt dawk hlak.

Demetriin inpâka hlawna

¹¹ Dittak, suol chu inchûk naw la, ṭhat chu inchûk lem rawh. Thil ṭha thawtu chu Pathiena inthawk a na, thil suol thawtu chun Pathien a hmu ngai nawh.

¹² Demetri chun mi po po inpâk a hlaw a, thutaka inpâk ngei a hlaw bawk a; anih, keini khawmin kan inpâk a nih; kan inpâkna hi ân dik a nih ti i hriet.

Inthlana chibai bûkna

¹³ I kuomah thu tamtak ziek ding ka nei a, nisienlakhawm, lekhatui le lekhazieknain i kuoma ziek ka nuom nawh a;

¹⁴ sâwtnawtê hnunga hmu che ka beisei lem a, chuongchun, inhma- tuoin inbieng ei tih.

¹⁵ Thlamuongna i chungah um raw se. Ei ruolhaiin chibai an bûk che. An hming lam sengin ruolhai chu chibai mi bûk pêk rawh.