Nehemiyaxi 7 - Kakaɨyari Niukieya

Kerutsareme kememɨteta'ɨwiya

¹ Kepauka kuraru munɨrie 'itupari meuwɨtɨarie kitenie, mekaniutihɨawarieni kitenie tehɨwemete, kwikamete meta rewitsixi.

² Ne'iwa Kananihi, mɨkɨ tewi yamɨtikamie Kakaɨyari mayemakaxe mɨhɨkɨtɨkai, Kerutsareme nenihɨritɨani Kananiyaxi mame kuyaxi tiwa'aitɨwame mɨhɨkɨ mɨkɨ kiekariyaritsie.

³ Yuhutame mɨpaɨ nekatiniwarutahɨawe: «Kerutsareme kitenieyaritetsie kepauka tau manatinenitsie katineuyepierikemɨkɨ, pɨreunarɨmikenita taikai tehɨwemete mekahekɨniwawekaku 'akuxi, hikɨ kɨyexi mekaneu'uitɨakuni. Meta Kerutsareme kiekatari mekaniwa'uitɨakuni tehɨwemete, hipatɨ mepɨtetahɨni kememɨte'uku'utɨkɨka hipatɨta yukie hɨxie».

⁴ Kiekari yemekɨ 'akaniyeukaitɨni, peru teɨteri mana kiekatari mepɨkayumɨirekai, naitɨ kii 'aixɨa mɨka'itɨarietɨkateikɨ.

Kememɨtehaka'utsie memakunuaxɨa

⁵ Kakaɨyari mɨpaɨ kanetiniuyuitɨani ne'iyaritsie nemɨwakuxeɨrienikɨ memanuyetei 'ukirawetsixi, hipatɨ ti'aitame parewiwametemama meta yunaime teɨteri, nemɨwaraka'utɨanikɨ kemɨ'ane nuiwaritsie memɨmiemetetɨkai, meta xapa nekaniutaxeiya kememɨte'ununuiwaxɨ memaye'uxa matɨari memu'axɨakai. Mana mɨpaɨ katine'ukaitɨni:

⁶ 'Ikɨ xapa kanihɨkɨtɨni Kura kwieyaritsie kiekatari, tatsɨari, Nawukurunutsuxi Wawiruniya kwieyaritsie ti'aitame mɨwarehapakai, memepitɨarie memakunuaxɨanikɨ Kerutsareme meta Kura kwieyaritsie. Yuxexuitɨ yukiekaritsie mekanakunuaxɨani,

⁷ mekaniwa'atɨani Tsuruwaweri, Ketsuha, Nehemiyaxi, 'Atsariyaxi, Xahamiyaxi, Nakamani, Maxirukeyu, Wiritsani, Mitsipereti, Wihiwahi, Nehumi meta Wanaha. 'Ikɨ mekanihɨkɨtɨni 'ixaheritsixi memakunuaxɨa waxapayari:

⁸ Parutsi nuiwarimama 2.172

⁹ Tsepatiyaxi nuiwarimama 372

¹⁰ 'Araki nuiwarimama 652

¹¹ Pakata-Muhawi nuiwarimama, tatsɨari, Ketsuha meta Kuhawi waniwema 2.818

¹² 'Erami nuiwarimama 1.254

¹³ Tsatuhu nuiwarimama 845

¹⁴ Tsakahi nuiwarimama 760

¹⁵ Winuhi nuiwarimama 648

¹⁶ Wewahi nuiwarimama 628

¹⁷ 'Atsikari nuiwarimama 2.322

¹⁸ 'Arunikani nuiwarimama 667

¹⁹ Wihiwahi nuiwarimama 2.067

²⁰ 'Arini nuiwarimama 655

²¹ 'Atexi nuiwarimama, tatsɨari, 'Etsekiyaxi nuiwarimama 98

²² Katsumi nuiwarimama 328

²³ Wetsahi nuiwarimama 324

²⁴ Karipi nuiwarimama 112

²⁵ Kawahuni nuiwarimama 95

²⁶ Wereni meta Netupa kiekatari 188

²⁷ 'Anatuti kiekatari 128

²⁸ Weti-'Atsimaweti kiekatari 42

²⁹ Kiriati-Yeharini, Kapira meta Weruti kiekatari 743

³⁰ Xama meta Kehewa kiekatari 721

³¹ Mikimatsi kiekatari 122

³² Weteri meta 'Ahi kiekatari 123

³³ xewitɨta Newu kiekatari 52

³⁴ xewitɨta 'Erami kiekatari 1.254

³⁵ Karini kiekatari 320

³⁶ Keriku kiekatari 345

³⁷ Ruri, Kariri, meta 'Unuhu kiekatari 721

³⁸ Tsena kiekatari 3.930

³⁹ Mawari wewiwamete Kerahiyaxi nuiwarimama, Ketsuha niwemama 973

⁴⁰ 'Imexi nuiwarimama 1.052

⁴¹ Patsuxi nuiwarimama 1.247

⁴² Karini nuiwarimama 1.017

⁴³ 'Ikɨ rewitsixi mekanihɨkɨtɨni memakunuaxɨa Ketsuha meta Karimieri nuiwarimama, Hurawiyaxi tɨɨriyamama memɨhɨkɨtɨkai 74

⁴⁴ Kwikamete 'Atsahapi nuiwarimama 148

⁴⁵ Kitenie tehɨwemete Tsaruni, 'Atexi, Tarimuni, 'Akuwi, Katita meta Tsuwahi wanuiwarima 138

⁴⁶ Tukita te'uximayatamete 'ikɨ wanuiwarima mepɨyɨakai: Tsika, Katsupa, Tawahuti,

⁴⁷ Kerutsi, Tsikaka, Paruni,

⁴⁸ Rewana, Hakawa, Tsarimahi,

⁴⁹ Kanahani, Kireri, Kahaxi,

⁵⁰ Xehahiyaxi, Xetsini, Nekura,

⁵¹ Katsani, 'Utsa, Patsehaki,

⁵² Wetsahi, Mehunini, Nepitsetsini,

⁵³ Wakuwuki, Kakupa, Kaxikuxi,

⁵⁴ Watsiruti, Mekira, Karitsa,

⁵⁵ Warikuxi, Tsitsara, Temaha,

⁵⁶ Netsihaki meta Katipaha.

⁵⁷ Tsarumuni memɨparewiekai wanuiwarima, Tsutahi niwemama mekanihɨkɨtɨkaitɨni, meta Tsupereti niwemama, Perura niwemama,

⁵⁸ Kahara niwemama, Rarikuni niwemama, Kireri niwemama,

⁵⁹ Tsepatiyaxi niwemama, Katiri niwemama, Pukereti-Hatsewahini niwemama meta 'Amuni niwemama.

⁶⁰ Tukita te'uximayatamete meta Tsarumuni te'uximayatsiriwamete wanuiwarima 392

⁶¹ Hipatɨta mekaniu'axɨani Teri-Meraki mehanexɨaka, Teri-Karitsa, Keruwi, 'Aruhuni meta 'Imexi, peru mɨkɨ wahetsiemieme xapa pumawekai wa'ukiyarima memaye'uxa, kemɨ'ane memɨtehanuiwaritɨkai xɨka 'ixaheritsixi mehɨkɨtɨkaitɨni:

⁶² Rerahiyaxi, Tuwiyaxi meta Nekura wanuiwarima 642

⁶³ Hipatɨta mawari wewiwamete, mepɨka'uyɨwekaxɨa yamemɨtiyuani kemɨ'ane memɨtehanuiwaritɨkai 'Ixaheri hetsiemieme, 'ikɨ: Kawahiyaxi meta Kuhutsi meta Waxitsirahi wanuiwarima ('ikɨ 'imatɨrieka mieme Karaha kiekame Waxitsirahi titewakame niweya kaniutiwitɨni, mana 'eyehanaka mɨpaɨ katiniuyuterɨwa).

⁶⁴ Mɨkɨ mekaniuyutiwauni memaka'uxatsie watutsima, peru mepɨkawarukaxei, 'ayumieme mepanayexɨriya mawari wewiwamete memɨkahɨkɨtɨnikɨ.

⁶⁵ Mɨkɨ kuwexinaruri katiniwarukunamirieni mawari memɨkatekwakakɨ, 'arike mawari wewiwame wahetsiemieme 'inɨari kemɨtiwewienikekai 'urimi meta tumimikɨ.

⁶⁶ Yunaitɨ teɨteri mekaniyupaɨmekaitɨni, huta tewiyari heimana huta miriyari heimana haika tsienituyari heimana haika tewiyari (42.360) teɨteri.

⁶⁷ Meka'inɨaritɨ waɨriyarika te'uximayatamete 'ukitsi 'ukari, memɨyupaɨmekai, 'atahuta miriyari heimana haika tsienituyari heimana xeitewiyari heimana tamamata heimana 'atahuta (7.337), meta mekaniwarexeiyakaitɨni huta tsienituyari heimana huta tewiyari heimana 'auxɨwi kwikamete 'ukitsi meta 'ukari.

⁶⁸ Matsita mekaniwarexeiyakaitɨni 'atahuta tsienituyari heimana xeitewiyari heimana tamamata heimama 'ataxewi (736) kawayutsixi, huta tsienituyari heimana huta tewiyari heimana 'auxɨwi muratsixi,

⁶⁹ nauka tsienituyari heimana xeitewiyari heimana tamamata heimana 'auxɨwi (435) kameyutsixi meta 'ataxewi miriyari heimana 'atahuta tsienituyari heimana xeitewiyari (6.720) puxuri.

⁷⁰ Hipatɨ 'ixaheritsixi wa'ukiyarima mɨraye'axe mepɨteyetɨa 'uximayatsika hetsiemieme: kuwexinaruri 'atahaika kiruyari huru kaniyetuani, meta watsute 'amɨnene huta tewiyari heimana tamamata meta 'auxɨwi tsienituyari heimana xeitewiyari heimana tamamata (530) mawari wewiwame wakemarite,

⁷¹ 'Ixaheritsixi wa'ukiyarima xeitsienituyari heimana haika tewiyari kiruyari huru mekaniyetuani meta xeimiriyari heimana huta tsienituyari heimana tamamata (1.210) kiruyari pɨrata,

⁷² yunaitɨ teɨteri xeitsienituyari heimana haika tewiyari kiruyari huru mekaniyetuani meta xeimiriyari heimana xeitsienituyari (1.100) kiruyari pɨrata, mawari wewiwamete wakemariteta 'amɨtɨtɨ haika tewiyari heimana 'atahuta paɨmeme.

⁷³ Mawari wewiwamete, rewitsixi, kitenie tehɨwemete, kwikamete, teɨteri kiekatari, tukita te'uximayatamete meta hipatɨta 'ixaheritsixi yukiekaritsie mekaneukuyaxixɨani. 'Atahuta metseri haye'aku, 'ixaheritsixi yukiekaritsie mekaniukutetɨkateitɨni.