Zabura 70 - Littafi Mai Tsarki

Addu'ar Neman Kuɓuta

¹ Ka cece ni, ya Allah! Ya Ubangiji, ka yi hanzari ka taimake ni!

² Ka sa masu so su kashe ni, A ci nasara a kansu, su ruɗe! Ka sa waɗanda suke murna saboda wahalaina, su koma baya, su sha kunya!

³ Ka sa waɗanda suke mini ba'a Su razana sabili da fāɗuwarsu!

⁴ Ka sa dukan waɗanda suke zuwa gare ka Su yi murna, su yi farin ciki! Ka sa waɗanda suke ƙaunar cetonka Kullayaumi su ce, “Allah da girma yake!”

⁵ Ba ni da ƙarfi, ba mataimaki, Ya Allah, ka zo wurina da hanzari. Kai ne mataimakina da Mai Cetona, Kada ka yi jinkiri, ya Ubangiji!