Zabura 13 - Littafi Mai Tsarki

Addu'ar Neman Taimako daga Wahala

¹ Har yaushe za ka manta da ni, ya Ubangiji? Har abada ne? Har yaushe za ka ɓoye mini fuskarka?

² Har yaushe raina zai jure da shan wahala? Har yaushe zan yi ta ɓacin rai dare da rana? Har yaushe maƙiyana za su riƙa cin nasara a kaina?

³ Ka dube ni, ya Ubangiji Allahna, ka amsa mini, Ka mayar mini da ƙarfina, don kada in mutu.

⁴ Sa'an nan maƙiyana ba za su ce, “Ai, mun yi nasara da shi” ba! Ba za su iya yin murna saboda fāɗuwata ba.

⁵ Amma ina dogara ga madawwamiyar ƙaunarka, Zan yi murna gama za ka cece ni.

⁶ Zan raira waƙa ga Ubangiji, Gama ya kyautata mini.