Zabura 129 - Littafi Mai Tsarki

Addu'a a kan Maƙiyan Isra'ila

¹ Isra'ila, sai ka faɗi irin muguntar Da maƙiyanka suka tsananta maka da ita, Tun kana ƙarami!

² “Maƙiyana suka tsananta mini da mugunta, Tun ina ƙarami, Amma ba su yi nasara da ni ba.

³ Suka sa mini raunuka masu zurfi a bayana, Suka mai da shi kamar gonar da aka nome.

⁴ Amma Ubangiji mai adalci, Ya 'yantar da ni daga bauta.”

⁵ Allah ya sa duk waɗanda suke ƙin Sihiyona, A yi nasara da su a kuma kore su!

⁶ Allah ya sa su zama kamar ciyawar da take girma a kan soraye, Ta kuwa bushe kafin ta isa yanka.

⁷ Ba wanda zai tattara ta, Ya ɗaure ta dami dami.

⁸ Duk waɗanda suke wucewa a hanya ba za su ce, “Ubangiji ya sa maka albarka!” ba, Ko su ce, “Muna sa maka albarka da sunan Ubangiji!”