Zabura 123 - Littafi Mai Tsarki

Addu'ar Neman Jinƙai

¹ Ya Ubangiji, ina zuba ido gare ka, A Sama inda kake mulki.

² Kamar yadda bara yake dogara ga maigidansa, Baranya kuma ga uwargijiyarta, Haka nan muke zuba ido gare ka, ya Ubangiji Allahnmu, Har mu sami jinƙanka.

³ Ka yi mana jinƙai, ya Ubangiji, ka yi mana jinƙai, An gwada mana wulakanci matuƙa!

⁴ Attajirai sun daɗe suna ta yi mana ba'a, Azzalumai masu girmankai sun raina mu!