SALM 87 - Laibaibal Thiang (BSI)1 A hrampi cu tlâng thiangah dirh a si. 2 Jakob hna umnâk vialte nâkin, BAWIPA nih Zion inkhar kha a dawt deuh. 3 Maw Pathian khualipi, na kong hi sunglawi ngaiin an chim tawn!. (Selah) 4 “A ka hngaltu hna sinah, Rahab le Babilon kong ka chim lai; Zohhmanh u, Filitin le Tair le Ethiopia hna hi, ‘hihi cuka i a chuakmi cu a si,” an ti lai. 5 Zion kongah hitihin an chim lai. “Hihi le khikhi amah i a chuakmi an si, Cungnung Bik nih amah cu a fehter lai,” tiin. 6 BAWIPA nih mikip min a ṭial tikah, hihi cu khika i a chuakmi a si, tiah a chinchiah lai. (Selah) 7 Hlasatu le ringawn tumtu hna nih, “Ka ti hnâ vialte kha nangmah ah a rak um ko,” tiah an ti. |
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
Bible Society of India