SALM 6 - Laibaibal Thiang (BSI)

¹ Maw BAWIPA, thinhung in ka sî hlah law, na thinhân lioah ka chimhring sawh hlah.

² Maw BAWIPA, ka zângfah ko, zeitintiah ka thazâng a der; maw BAWIPA, ka damter ko, zeitintiah ka ruh hna hi a buai dih cang.

³ Ka nun zong a buai tuk cang; maw BAWIPA, zeicandah na rauh lai?

⁴ Maw BAWIPA, rak kir law, ka khamh! Aw na vêl thawngin ka khamh ko sawh!

⁵ Zeitintiah thihnâk ah nangmah hngalhnâk a um lo i thlân chungin ahonihdah lomhnâk bia an in chimh lai? v

⁶ Ka hrum ainâk ah ka ba dih cang; zankhuadei ka ihkhun ah ka ṭap i ka mitthli nih ka chantling a cinh dih.

⁷ Ngaihchiatnâkin ka mit an rawk dih i ka ral vialte ruangah a mui dih cang.

⁸ Sualpalhnâk a tuahtu vialte hna, ka kaltâk u; zeitintiah BAWIPA nih ka ṭah thawng a theih.

⁹ BAWIPA nih ka nawlnâk aka theihpiak; BAWIPA nih ka thlacamnâk a cohlan lai.

¹⁰ Ka ral vialte cu ningzak in buai taktak hna sehlaw; kirter u law hmakhat teah ning zakin um hna seh.