SALM 52 - Laibaibal Thiang (BSI)

¹ Maw miṭhawng pa, zeiruangahdah ṭhatlonâk nâ hmaihngal pi? Pathian ṭhatnâk cu a hmun zungzal.

² Na lei cu rawhralnâk lawng a ruat i sammehnâk namte bangin, hlennâk lawng a tuah.

³ Ṭhatnâk nâkin ṭhatlonâk kha na dawt deuh i dinnâk nâkin lih chim kha na duh deuh. (Selah)

⁴ Nang hlen ahmangmi lei i thangchiat kha na tlaihchan.

⁵ Cubangin Pathian nih zungzal caah an hrawh ve lai; na umnâk hmun in an chuah lai, minung hna ram chungin an chuah lai i tlau lakin an kalpi lai. (Selah)

⁶ Miding hmanhnih an hmuh lai i an ṭih lai; cu minung cu a nih sawh lai,

⁷ “Zohhmanh u, hipa hi dah kaw a ṭhawnnâk ah Pathian kha hmang loin, a tamtukmi a rumnâk â bochanmi le a suahsualnâk in ṭhawn â timmi a si cu,” an ti lai.

⁸ Kei tu cu Pathian in i Oliv thing a hninghno mi bang khi ka si. Pathian vêl cu zungzal in zungzal tiang kâ bochan lai.

⁹ Na tuahmi thil hna ruangah, zungzal in nangmah cu kan thangṭhat lai. Na mithiang hna mithmuh ah na min cu ka hngah peng lai, zeitintiah, hihi a ṭha.