SALM 150 - Laibaibal Thiang (BSI)

¹ BAWIPA cu thangṭhat u! Pathian cu a hmunthiang ah thangṭhat u, thiltikho a vanrâng ah khin amah cu thangṭhat u.

² A tuahmi thil lianngan ruangah amah cu thangṭhat u. A lianngan tak takmi a ṭhatnâk ruangah amah cu thangṭhat u.

³ Muko thawng he amah cu thangṭhat u law, thanglawi le tingtang in amah cu thangṭhat u.

⁴ Khuang te le lâm in amah cu thangṭhat u law, tingtang a phunphun le thanglawi he amah cu thangṭhat u.

⁵ A aw a thangmi sumsel in amah cu thangṭhat u, a aw ṭhiami sumsel in amah cu thangṭhat u.

⁶ Thaw a ngeimi vialte nih BAWIPA cu thangṭhat seh. BAWIPA cu thangṭhat u.