SALM 141 - Laibaibal Thiang (BSI)

¹ BAWIPA, na sinah ka au, rianrangin ka sinah ra law, kan auh tikah ka aw hi ka ngaihpiak hrâm ko.

² Ka thlacamnâk hi na hmaiah rimhmui bangin um seh law, ka kut ka thlirmi hi zanlei raithawinâk bang si ko seh.

³ Maw BAWIPA, ka hmurkâ kilvengtu chia law, kahmur innkâ hi ka kilven piak ko.

⁴ Sualnâk tuah ding le, sualpalhnâk tuahtu hna sinah kâ tel sual nâkhnga lo, ka lungthin hi Ṭhatlonâk lei hawihter hlah. a thawmi an rawl zong ka eiter hlah.

⁵ Miding nih ka tu seh, zângfahnâk a si lai. Ka sî ko seh, lu i sathau thuh bantuk a si lai. Ka lu nih rak al hlahseh, zeitintiah suahsualnâk an tuah tiangin ka thlacamnâk nih a ralchanh hna lai.

⁶ An biaceihtu kha lungpang ah thlâk an si, cun annih nih ka bia an ngaih cang lai, zeitintiah ka bia cu a thlummi an si.

⁷ Mi nih lei an thuan i vawlei an khuaidih bantukin, ka ruh hna hi thlân kamah an ṭhek dih.

⁸ Asinain Maw Bawipa PATHIAN, ka mit nih nangmah lei lawnglawng a zoh tawn. Nang cu kâ thuhnâk na si i taklawng in ka chia sawh hlah.

⁹ Ka ca i an chiahmi rap chungin ka kilveng law, sualpalhnâk a tuahtu hna rap chung zongin.

¹⁰ Zalong te i chuahter ka si lio ah, misuaksual hna cu anmah chiahmi sur ah tla dih hna seh.