SALM 137 - Laibaibal Thiang (BSI)

¹ Babilon tiva kamah, cuka ah kan ṭhu, asi, Zion kan ruah tikah kan ṭap tawn.

² Tiva laifang i inhliam kungah, kan tingtang kha kan bah hna.

³ Sal i akan hruaitu hna nih hlasak an kan fial, sifah akan petu hna nih kan i nuamh nâkhnga, “Zion hla pakhat khat kan sak piak u,” tiah an ti.

⁴ Zeitindah BAWIPA hla cu ramdang ah kan sak khawh lai?

⁵ Maw, Jerusalem kan philh ahcun, ka orhlei kut nih a thiammi hi philh ve seh.

⁶ Kan philh sual i kâ lawmhnâk bik nâkin Jerusalem kan cawisan deuh lo ahcun kalei hi ka dangah i benh seh.

⁷ Maw BAWIPA, Edom fale hna Jerusalem rawhni ah, “A hram tiangin chim dih u, chim dih u,” titu hna ralchanh kha philh hlah.

⁸ Maw, Babilon fanu, hrawh a si laimi nu, nakan khamh bangin, na cungah an chamtu cu i lawm ko seh.

⁹ Na ngakchia hna la in, lungpi tuknâk i a hmangtu cu i lawm ko seh.