MAZMUR 23 - ALLAH NIHYET MEM TUNGWATU NYA

tuhan ne ditde gembala ninyohou kep mun cig ri

¹ Doia Daud. tuhan ne ditde gembala ninyohou kep mun cig ri. Disuar mun nyeng hi kin bu bi.

² Noni jem da ug ei abris nghousi di nnum kei bidibong kep dinghuisi. Noni jem da ug ei ugyou di niyaisi nddong kei bididut minyei kep dinggobiausi.

³ Noni sindem tut da bibiwin dingonti bibie tut da kak puig di igbit kikau bit leu nipreu ei mem dati tu.

⁴ Mbro nok gino dikes da kak puig di dindi-kai lo, mididigit tut bi lewo Na di tuhan angat rin bit da. Aya srak ko hagau da noyam kin gembala di ba tom kin biap tindak binyohou domba nya.

⁵ Angei njita ba, abon pesta mem da bou ditde siceu nya yahagom igyai him. Aya um da ba, abibon da nok no di ninyeng jei ba, ahug ba anggur ningei di ui-gwang kei ug ei ditde mokti bipias hagau cem.

⁶ Dikan tut bipia asingat tut da ba, angondut da kikau mem diyaijo nijeisi leu api midibong ser Ade Ig tereu nok ditde nghim nsi kikau ug bipek diyaijo ningwig honti.