MAZMUR 128 - ALLAH NIHYET MEM TUNGWATU NYA

No di ningon gom de ig bei nsi nya mitug ndei mun di kei

¹ Doia nikui ug ei Mbigdip Sion. No di ningon gom tut Allah bidimig niyaijoti bibit Allah nicukti ningon nggei-hi-nggei.

² Ma ayem njita leu ade midyai di ayai nya ba, mun nyeng hagom midem mem na lene abong kei agwam kei cem.

³ Atnem midem kep nok ba anggur di nnum kei ei ade ig ba, amunggwom bat nya midem kep nok biei zaitun kioi ttai ade meja.

⁴ tuhan minjei mun di kei dima bak no di ningon gom tut Noni.

⁵ Ma tuhan di gwam ei Sion yai gi kei bina. Ma apriet kin timiei minu ndig Yerusalem ide nibong kei nigwam keisi kikau ba, aug bimai kep!

⁶ Ma ade njap jei ba, angat agnyon bat nya bou ayai him! Allah e, ma asindui sut ba Ade limwa nya ibong kei igwam kei!