MAZMUR 114 - ALLAH NIHYET MEM TUNGWATU NYA

Doia nibikiek Njap Ndig Paskah

¹ Tirigi mben Israel yehei leu minu Mesir ba, yo di intun Yakub him imbut leu ingkiaisi,

² lene tuhan yai hanjop Yehuda nok Nide mpia di kwes lene yai Israel nok Nide dihyei hanjop nsi di ninyeng tak kep.

³ Muk Lipig ngat Noni leu api nang. Minyei Pmem Yordan ntus ba, biam bi.

⁴ Nungug nya ipri-pri nyen noyam kin kambir nya lene mbigdip nya igwam ibiau dip nyen nok domba mien nya.

⁵ Muk ndigsi e, mindei rino bindei di anang i? Minyei Pmem Yordan e, mindei rino bindei di antus ba, abiam bi i?

⁶ Mei, nungug jen e, mindei rino bindei di jipri-pri nyen i? Mei, je di mbigdip nya e, jigwam jibiau dip nyen tut mindei i?

⁷ Dihyeisi dini e, adigit ei tuhan Noho bei, ei Yakub de Allah Noho bei,

⁸ ei tuhan di bindei po bor ngug nok minyei ut lene nungug tig nok minyei bousi pima Noho bei cem.