KORINTUS GI NIGOM 3 - ALLAH NIHYET MEM TUNGWATU NYA

Allah de awak nya

¹ He disut bat jen, bit bon dimbrap bit je noyam kin gi dimbrap bit yo di igyai Allah Ninnei ei ingonti tu nya kan bi. Apo dimbrap bit je tereu gi po jinok yo di iba yoho rok mun di ntun dihyeisi dini him kin munggwom mien di imahan ei Kristusti bigyo.

² Nipou ne diba sapi nido ngei he binek je lo, dingei mikwau bije bi lewo jimahan bigyo. Ba, jimahan bigyo kikau kwei bipek ammani kep.

³ Lewo jiba joho rok mun di ntun dihyeisi dini him. Jingon kinei sut yam ba, jiliriem yam lene gima ndo bindo bipia jiba joho rok mun di ntun dihyeisi dini him tereu nok gi po jinok yo di ikan tut Allah bi.

⁴ Leu gino jibou poi jipai “Nitti kin Paulus” ba, jibou poi jipai bu “Nitti kin Apolos” lene gini bindo bipia jiba joho rok mun di ntun dihyeisi dini him.

⁵ Tut gima ne tou rino Apolos i? Tou rino Paulus i? Nyeni ne Allah de awak nya ri. Jiba jingon com Noni tug hon nyeni. Niyai kep midyai nya di Tuhan ndo bibikwop nye.

⁶ Da di Paulus dindim ningan leu api Apolos prok nikioi noro Allah ribindei di nikioi hei bijei bu.

⁷ Nye di nindim ningan kin gi niprok nikioi ne nibon ninyeng bi noro Allah bon ninyeng lewo Noni rino bindei di nikioi hei bijei.

⁸ No di ndim ningan kin no di prok nikioi yahacem igyai kep ide midyai sur yam apino yoni mitug ndei imuhup bibikwop tungwagom-gom drek dip ide nicom nahanggwapti.

⁹ Nyeni nibicom yam nok gom ba, niba nye bikum Allah biniyai kep Nide midyai nya. Jeni ne Allah de miai ngwoisi ri. Jeni ne Allah de ig ri.

¹⁰ Diba nisindemti di Allah yai bida biprion tig mma mem ig nitriti dem kep ningot kep ig cig lo, hiter kon ninggilai ei nitriti dima dip bu. Noro ma tungwagom-gom ba ningon di sok kep nonti bikon ninggilai eisi.

¹¹ Lewo Allah Nongkom prion Yesus Kristus nok tig mma mem ig dima ba, Nongkom ngat ne tig mma mem ig dima ri. Bit bon hi prion tig mma hiter mem ig dima kan bi.

¹² Bihi iba mas lene bihi iba perak lene bihi iba tig permata bikon ninggilai eisi. Lo, bihi iba biei lene bihi iba sinai lene bihi iba bika bikon ninggilai eisi.

¹³ Mun di ibingot ig mijo ei nibreisi tirigi Kristus De Njap piga digai ide igya. Lewo hum njeng di sror mem Njap dima mibingon bibikwop ig dima hagom leu binhyepo ndo igbit mun di ibingot ide ig dima nibon ninyengti.

¹⁴ Gino tungwagom ngot ig ei tig mma dip ba, hum dima yem ig dima bi ne noni mitug ndei nimuhup yo.

¹⁵ Gino hum dima yem ig di tungwagom ngot ei tig mma dip bitimek bingwig ne nimuhup sar. Noro Allah miteu noni tereu nok tungwagom di ningwes ngun leu ig di hum yem.

¹⁶ Jikan tut bipia jeni ne Allah De Ig rin e? Jikan tut bipia Allah Ninnei bong ser jingonti e?

¹⁷ Gino tungwagom bindei Allah de ig kinei ne Allah mikes hukum ei no dima dip. Lewo Allah De Ig kwes-kwau ba, jeni ne ig dima ri.

¹⁸ Ma jikrau tunggwei jingonti au. Gino jigom ba ningon di ki di ntun dihyeisi dini him ba, binai nibou ngwakti bisrip huk bipia ningon ki ne ma noni om nonti tereu nok no di ningon mbum. Tug hon nisinati dima ne noni miyai ningon di ki di nijit-jau.

¹⁹ Lewo ningon kiti di ntun dihyeisi dini him dem kep nok ningon mbum bou Allah niyai him. Bit leu nok gi ipas ei Allah nihyetti “Allah ba ide ningon mangti bisrou yo di ingon ki nya.”

²⁰ Bit leu nok gi ipas bu “Tuhan kan tut bipia yo di ingon ki nya ingon kanti nya hagom bon ninyeng bi.”

²¹ Gima rino ma hi llei-lau sut tungwatu nya igyai munti nya au. Lewo jimbun mun nyeng hagom.

²² Jimbun Paulus kin Apolos kin Petrus kin dihyeisi dini kin niyaijoti kin nimaisi kin nijam dini kin nijam di jo nidipti bu ba,

²³ Kristus ninyeng tak kep je ba, Allah ninyeng tak kep Kristus.