Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

مزامیر 1 - کیتاب مقدّس به گیلکی (رشتی)


خوشا بحالٚ کسأنی کی خودا شریعتَ قوبیل دأریدی

1 خوشا بحالٚ کسی کی شرورٚ آدمأنٚ اَمرأ مشورت نوکونه و گوناهکارأنٚ رأهٚ دونبأل نیشه و اوشأنی اَمرأ کی همه چی‌یَ مسخره کونیدی، نشست و برخأست نوکونه

2 بلکی اونٚ میل و رغبت خوداوندٚ شریعت ایسه و اونٚ دیل و فیکر شبنده روز درباره‌یٚ خوداوندٚ تعلیم تفکر کونه.

3 اون ایتأ درختی‌یَ مأنه کی روخانٚ کنار بکاشته نهَه و خودشٚ وخت، خو میوه‌یَ فأده و اونٚ ولگأن هیوخت دوچلکسته نیبه و هر کاری کی کونه، عاقبت به خیر به.

4 امّا شرورٚ آدمأن اَطو نی‌ییدی. اوشأن، کاه و کولوشَ مأنیدی کی بادٚ اَمرأ پراکنده بیدی.

5 هَنٚ وأسی شرورٚ آدمأن، خوداوندٚ داوری موقع نتأنیدی تاب بأورید و هَطویم نه گوناهکارأن، خوروم آدمأنٚ اَمرأ.

6 خوداوند، خوروم آدمأنٚ زندگی جأ مواظبت کونه ولی شرورٚ آدمأنٚ آخر عاقبت هلاکت و نابودی ایسه.

© 2010-2019 Gilak Media

Gilak Media
ကြှနျုပျတို့နောကျလိုကျပါ:



ကြော်ငြာတွေ