استر 10 - کیتاب مقدّس به گیلکی (رشتی)

مردخای پیله‌دأنه آدم به

¹ خشایارشاه خو سرزیمین و خو دریا جزایرٚ میأن مالیات فیگفتنَ بنَه.

² آیا همه‌تأنٚ خشایارشاه پیله‌دأنه کارأن و رپُرتٚ مقامی کی اون مردخای‌یَ فدَه‌بو، کیتابٚ روزگارأنٚ ماد و پارسٚ پادشایأنٚ میأن، بینیویشته نوبوسته؟

³ مردخایٚ یهودی، بعدٚ خشایارشاه، دوّمی کس مملکتٚ میأن بو. اون یهودیأنٚ میأنی خوره پیله کس بوبوسته و خو هم قومأنٚ دورون کی اوشأنٚ تعدادم زیاد بو، خیلی ایحترام دأشتی، چره کی مردخای خو قومٚ خوشبختی وأسی تلاش کودی و اوشأنٚ رِه صلح و صفا جأ گب زه‌یی.