EZabbuli 93 - Bbaibbuli y'oLugwere

OKibbumba niiye oKabaka waiswe

¹ OMusengwa niiye afuga, era ali nʼekitiisya; oMusengwa ali nʼekitiisya era ali nʼamaani. Yateekere ekyalo omu kifo kyakyo, era tikyezya okuyuugayuugana.

² Oo Musengwa, entebeyo eyʼobwakabaka yabbairewo kuzwa ira nʼeira. Era obbeerererawo emirembe nʼemirembe.

³ Oo Musengwa, amaizi gʼomu nyanza geedumbya, enyanza ewooga, enyanza esetwire amayengo gaayo.

⁴ OMusengwa aali omwigulu, iye wʼamaani okukiraku okuwooga kwʼenyanza, nʼokukiraku amayengo agʼamaani.

⁵ Oo Musengwa, ebiragirobyo tibicuuka, era eYeekaaluyo ntukulye ino emirembe nʼemirembe.