EZabbuli 87 - Bbaibbuli y'oLugwere

Ekibuga oSayuuni

EZabbuli yʼabʼeibyaire lya Koola. Olwembo.

¹ OMusengwa yayombekere ekibugakye ku lusozi olutukulye.

² Ataka ekibugakye oSayuuni okukira ebifo byonabyona oYaakobbo omwabba.

³ Iwe ekibuga kya Kibbumba, bakutumulaku ebyʼekitiisya.

⁴ “Omu mawanga agammaite, mbaliramu eryʼe Misiri nʼeryʼe Bbabbulooni. Abʼe Firisitiya, nʼe Tiiro nʼEsoopiya mbabalira mu babyale bʼe Sayuuni.”

⁵ OSayuuni bakitumulaku bati, “Nabuli muntu mubyale wʼomwo. Era iye oyo oNambulaku aMwagaagana yalikisuuca kyʼamaani.”

⁶ OMusengwa awandiika abantu omu lukalala lwʼamawanga ati, “Onu bamubyala mu Sayuuni.”

⁷ Abembi nʼababini bakoba bati, “Enkabi gyaiswe gizwa mu niiwe.”