EZabbuli 82 - Bbaibbuli y'oLugwere

OKibbumba afuga byonabyona

EZabbuli yʼAsafu.

¹ OKibbumba akubbiriza olukiiko olukulu olwʼomwigulu; aakati omu lukumbaana lwʼabakibbumba awa okusalawokwe ati:

² “Mwalituuca di okusalanga emisango omu butali bwenkanya, nʼokwekubbiranga oku lubba lwʼababbibabbi?

³ Musalenge emisango gyʼabadoobi nʼabafuubbi mu bwenkanya, abebagadya nʼabadamba, mubabbeerenge okutabamigirirya.

⁴ Mutaasenge abadoobi nʼabadamba, mubanunulenge eeri ababbibabbi.

⁵ “Nga timutegeera! Nga muli basiru! Muliira nakimo ino enguzi, era obwenkanya buwoirewo omu kyalo.

⁶ Nkobere nti, ‘Muli bakibbumba,’ nywenanywena muli baana bʼoNambulaku aMwagaagana.

⁷ Neye mwalifa ngʼabantu, mwalifa ngʼomukungu yenayena.”

⁸ Oo Kibbumba, osetuke olamule ekyalo, olwʼokubba amawanga gonagona gago ku bubwo.