EZabbuli 70 - Bbaibbuli y'oLugwere

OKibbumba niiye atubbeera

Eeri akubbembera abembi. EZabbuli ya Dawudi, eyʼokwegairira.

¹ Oo Kibbumba, oyanguwe okunnunula, Musengwa oyanguwe okumbeera.

² Oleke abo bonabona abataka okunjita, baswale era batabuketabuke. Nʼabo abanoonia okujigirica obwomi bwange, babakanjirirye nga baswaire.

³ Oleke abo abansekerera, bakangirire olwʼokuswala kwabwe.

⁴ Oleke abo bonabona abakunoonia, bajaagaane era basangaale oku lulwo. Abo abasiima obununulibwo, bakobenge bulijo bati, “OKibbumba bamugulumalye.”

⁵ Neye nze ndi mudoobi era ndamba, nsaba Kibbumba, oyanguwe okwiza egyendi. Niiwe ombeera era niiwe onnunula. Oo Musengwa, tiwaalwa!