EZabbuli 67 - Bbaibbuli y'oLugwere

Olwembo oluwuuja oKibbumba

Eeri akubbembera abembi. Ebivuga ebyʼenkosi. EZabbuli.

¹ Oo Kibbumba, otukwatire ekisa, era otuwe enkabi. Otuloleku nʼamaiso agʼekisa,

² kaisi ekyalo kyonakyona kimanye ebyotaka, era amawanga gonagona gamanye ngʼowoonunula.

³ Oo Kibbumba, oleke abantu bakuwuuje, oleke abantu bonabona bakuwuuje.

⁴ Oleke amawanga gasangaale era gayembe nʼeisangaalo, olwʼokubba ofuga abantu omu bwenkanya, era olungamya amawanga gonagona omu kyalo.

⁵ Oo Kibbumba, oleke abantu bakuwuuje, oleke abantu bonabona bakuwuuje.

⁶ Ekyalo kibala ebineneka byakyo bingi, oKibbumba, iye oKibbumba waiswe atuwaire enkabi.

⁷ OKibbumba atuwaire enkabi, oleke abantu omu kyalo kyonakyona bamuwenge ekitiisya.