EZabbuli 54 - Bbaibbuli y'oLugwere

Esaala yʼobukuumi

Eeri akubbembera abembi. Egibembera oku bivuga ebyʼenkosi. EZabbuli ya Dawudi, aBaziifu owebaabire ni bakobera oSawulo bati, “ODawudi yeebisire mu niiswe.”

¹ Oo Kibbumba, onnunule ngʼokolesya obwezye bwʼeriinalyo, okolesye obwezyebwo ontaase!

² Oo Kibbumba, owulire okusaba kwange, owulisisye ebibono byange.

³ Abanamawanga bansetukiireku, abaŋeŋese banoonia obwomi bwange. Tibafaayo oku Kibbumba.

⁴ Neye oKibbumba niiye ambeera, oMusengwa niiye ambeesyawo.

⁵ Oleke obubbibubbi abalabe bange obubantakirya bubacuukire. Omu bwesigwabwo obajigirice.

⁶ Oo Musengwa, naawangayo egyoli ebyokuwaayo omu kutaka, nakwebalyanga olwʼokubba oli musa.

⁷ Ekyo kityo olwʼokubba onnunwire omu bigosi byange byonabyona, ni mbona ngʼowangwire abalabe bange.