EZabbuli 3 - Bbaibbuli y'oLugwere

Esaala yʼamakeezi

EZabbuli ya Dawudi oweyairukire omutaanewe Abbusalomu.

¹ Oo Musengwa, nga ndi nʼabalabe bangi! Era bangi abansetukiraku okundwanisya.

² Bangi abantumulaku bati, “OKibbumba tiyamununule.”

³ Neye iwe Musengwa, niiwe engabo enkuuma. Niiwe ompa obuwanguli, era niiwe onjiryamu amaani.

⁴ Nkungirira niiwe Musengwa okumbeera, era onjiramu ngʼosinzirira oku lusozirwo olutukulye.

⁵ Nnambaala ni ngona era ni ndamuka, olwʼokubba oMusengwa ankuuma.

⁶ Tintya enkumi nʼenkumi egyʼabalabe abeneeruguulirirye okunnumba.

⁷ Oo Musengwa, osetuke, Kibbumba wange, onnunule! Okubbe abalabe bange bonabona oku masaya obamulungulemu amaino.

⁸ Musengwa, niiwe onnunula eeri abalabe, era niiwe owa abantubo enkabi.