EZabbuli 23 - Bbaibbuli y'oLugwere

OMusengwa niiye andiisya nze ontaamawe

EZabbuli ya Dawudi.

¹ OMusengwa niiye andabirira nze ontaamawe, era mpaawo ekindamba.

² Andeka ni mpumulira omu kiriisiryo ekyʼeisubi eritolito. Era antwala awantu awali amaizi amateeki.

³ Anjiryamu amaani. Annungamya omu manzira amatuuce olwʼeriinalye.

⁴ Nʼowentambulira omu kiinamo ekiizwire endikiirya awayezya okubba okufa, tintya akabbikabbi konakona, olwʼokubba iwe obba na nze. Olugaalwo nʼomwigogwo binkuuma.

⁵ Ontegekera ekiinulo ngʼabalabe bange babona. Onjaniriza omu ngeri eyʼenjawulo ngʼonsiiga okalifuwa oku mutwe. Era oizulya ekikopo kyange du.

⁶ Dala obusaabwo nʼekisaakyo byabbanga na nze enaku gyʼobwomi bwange gyonagyona. Era naabbanga omu nyumba ya Musengwa emirembe nʼemirembe.