EZabbuli 15 - Bbaibbuli y'oLugwere

Ogubaikirirya omu weema eya Kibbumba

EZabbuli ya Dawudi.

¹ Oo Musengwa, naani eyaingiranga omu Weemayo? Naani eyatyamanga oku lusozirwo olutukulye?

² Niiye oyo onambulaku ekyokumunenya, akola ebituuce, era atumula ebyʼamazima.

³ Era atatumula ebyakalebule, atakola abaliranwabe ebibalumya, era atatumula ekibbikibbi oku bainaye.

⁴ Era niiye oyo anyooma ababbibabbi, neye awa ekitiisya abo abatya oMusengwa. Niiye oyo atuukirirya ekyalayiire, era atacuuka nʼowekubba kufiirwa.

⁵ Niiye oyo akoopa abantu empiiya nga tasasulisya amagoba, era ataikirirya enguzi okusibirirya kwoyo abulaku omusango. Nabuli akola ebyo, yaabbanga mucaati emirembe gyonagyona.