EZabbuli 149 - Bbaibbuli y'oLugwere

Olwembo oluwuuja oMusengwa

¹ Muwuuje oMusengwa! Mwembere oMusengwa olwembo oluyaaka, mumuwuuje omu nkumbaana gyʼabatuukiriryebe.

² Oleke oIsirairi asangaalire oyo eyamukolere. Abantu bʼe Sayuuni basangaalire oKabaka waabwe.

³ Muwuuje eriinalye nga mubina, era mumwembere nga mukubba obugoma nʼotongoli.

⁴ Ekyo kityo olwʼokubba oMusengwa asiima abantube; abbeera abawombeeki ni bawangula.

⁵ Oleke abatya oMusengwa bajaagaane olwʼokuwangula; bayembe olwʼeisangaalo oku buliri bwabwe.

⁶ Oleke okuwuuja oKibbumba kubbe omu minwa gyabbwe, nga bakwaite empiima egyʼobwogi obubiri,

⁷ okunyaaŋa amawanga, nʼokubonereza abantu,

⁸ okusiba abakabaka baabwe nʼenjegere, nʼabakungu baabwe nʼempingu,

⁹ okutuukirirya ekibonerezo kyʼomusango ekibabawandiikireku. Okwo niikwo okwesiima kwʼabatya oMusengwa. Muwuuje oMusengwa!