EZabbuli 14 - Bbaibbuli y'oLugwere

Abakola ebibbibibbi

Eeri akubbembera abembi. EZabbuli ya Dawudi.

¹ Abasirusiru bakoba omu myoyo gyabwe bati, “Mpaawo Kibbumba.” Boonoonoki, era bakola bibbibibbi; mpaawo akola ebisa.

² OMusengwa asinzirira omwigulu, nʼalingirira abantu bonabona, okubona nga waliwo amutegeera, ooba nga waliwo amunoonia.

³ Neye abantu bonabona bamuzwireku, ni basuuka ekitagasa egyali. Mpaawo akola ebisa, era kadi waire moiza.

⁴ Abakola ebibbibibbi tibalyega? Bamalawo abantu bange ooti muntu akaavuula ekyokulya, era tibasinza oMusengwa.

⁵ Neye baliizula entiisya, olwʼokubba oKibbumba ali aamo nʼabatuukirirye.

⁶ Abakola ebibbibibbi bakaisya abadoobi okutuukirirya ebibategeka okukola, neye abadoobi ibo bairukira eeri Musengwa okubakuuma.

⁷ Nsaba nti oyo eyanunula oIsirairi azwe mu Sayuuni! OMusengwa oweyaliiryawo eidembe omu bantube, abʼeibyaire lya Yaakobbo ibo aBaisirairi balijaagaana.