EZabbuli 130 - Bbaibbuli y'oLugwere

Okusaba oMusengwa obubbeeri

EZabbuli ngʼoniinaniina okwaba okusinza omu Yeekaalu.

¹ Oo Musengwa, nakwekungirira olwʼokubba ndi omu bugosi bubitiriri.

² Oo Musengwa, owulire okwegairira kwange. Otege amatwi eeri okukunga kwange olwʼobubbeeri.

³ Oo Musengwa, singa otubalira ebikole byaiswe ebibbibibbi, naani eyandiwunukire omusango?

⁴ Neye iwe osoniya, nʼolwekyo bakuwa ekitiisya.

⁵ Nkuumirira oMusengwa, mmukuumirira era neesiga kibonokye.

⁶ Nkuumirira oMusengwa okukiraku abakuumi obwebakuuma obwire okuca, dala okukiraku abakuumi obwebakuuma obwire okuca.

⁷ Oo Isirairi weesigenge Musengwa, olwʼokubba oMusengwa ali nʼokutaka okutakoma, era nabuli kiseera mutegeke okukununula.

⁸ Iye yalinunula oIsirairi okuzwa omu bibbibibbi byabwe byonabyona.