EZabbuli 13 - Bbaibbuli y'oLugwere

Okusaba oKibbumba okutulamya

Eeri akubbembera aBembi. EZabbuli ya Dawudi.

¹ Oo Musengwa, walituuca di okuneerabira? Ni waneerabirira nakimo? Watuuca di ngʼonkubbira omugongo?

² Nalituuca di okweyanika omwoyo, nʼokubba nʼenima omu mwoyo gwange nabuli lunaku? Omulabe wange yalituuca di okumpangulanga?

³ Oo Musengwa, iwe oKibbumba wange, onningemu era onjiremu. Onjiryemu amaani, tinaafa,

⁴ era tiwaganya omulabe wange okukoba ati, “Mmuwangwire,” nʼabampalana okujaagaana olwa kumpangula.

⁵ Neye nze neesiga kisaakyo, najaagaananga olwʼokubba walinnunula.

⁶ Nakwemberanga Musengwa, olwʼokubba onkoleire ebisa bingi.