EZabbuli 129 - Bbaibbuli y'oLugwere

Okusaba kwʼaBaisirairi olwa balabe

EZabbuli ngʼoniinaniina okwaba okusinza omu Yeekaalu.

¹ Bangadirye ino okuzwa omu butobuto bwange, oleke oIsirairi akobe ati,

² “Bangadirye ino okuzwa omu butobuto bwange, neye nandi ni bampangula.

³ Bantemulyagire omugongo gwonagwona, ni bagusuuca ooti matinde agebakabaire nʼenkumbi yʼente.

⁴ Neye oMusengwa mutuukirirye; akutulyagire enjegere gyʼababbibabbi nʼantaisulya.”

⁵ Oleke abo bonabona abacaawa oSayuuni babakanjirirye nga baswaire.

⁶ Oleke babbe ooti isubi erimera e ngulu oku nyumba, erikala nga likaali okukula.

⁷ Oyo alisala, mpaawo ekyayerya omu kigalabaayokye, nʼoyo alisala talyerya kadi mu kigalo.

⁸ Era nʼabo ababitawo tibamukoba bati, “OMusengwa akuwe enkabi. Tukuwa enkabi omu liina lya Musengwa.”